1916 - I Dünya müharibəsi gedişində Qafqaz istiqamətində hücumunu davam etdirən (1915-ci ilin dekabrında başlanan hücum) Rusiya qoşunları TürkiyəninƏrzurum vilayətini işğal edir. Müharibənin sonrakı gedişində məğlubiyyətlərə uğrayan Rusiya1918-ci ildə qoşunlarını Ərzurumdan çıxarmağa məcbur oldu.
1918 - Rusiya (çar) imperiyasının dağılmasından istifadə edən Litva dövlət müstəqilliyini elan edib.
1936 - İspaniyada keçirilmiş parlament seçkilərində kommunistlərin qurduqları Xalq Cəhbəsi qalib gəlib. Lakin az sonra İspaniyada vətəndaş müharibəsi başlandı və faşist diktaturası bərqərar oldu.
1956 - Britaniyada ölüm hökmü ləğv olunub. Bu, Avropa Şurası ölkələri içərisində ölüm hökmünün ləğvinə dair ilk addımlardan biri idi.
1999 - Özbəkistanın paytaxtı Daşkəndin mərkəzində terror hadisəsi baş verib. Dalbadal baş verən bir neçə partlayış nəticəsində 15 nəfər həlak olub, onlarla adam yaralandı. "Hizbut-Təhrir" radikal islamçı təşkilatının həyata keçirdiyi terror prezident İslam Kərimovu hədəf almışdı. Lakin bombalar prezident korteji həmin ərazidən keçməmiş işə düşmüşdü.
1997 - Lissabon sammitinin yekunları ilə bağlı təxminən 2 ay sürən mübahisələrdən sonra ATƏTMinsk qrupunda (MQ) daimi üçlü həmsədrlik institutunun yaradılması rəsmiləşib. Rusiya, ABŞ və Fransa nümayəndələri həmsədrlik formatında fəaliyyətə başlayıblar.